Wat Sê Die Bybel Oor Gelukspel? (Bybelstudie deur Rudi van Zyl)

-


Gelukspel is waar die beloning nie afhang van die prestasie, vermoë, vaardigheid, en moeite nie, maar wel van toeval. Alhoewel baie deelnemers dit is baie onskuldig beskou en ervaar is die verwoestende effek hiervan op huisgesinne en samelewings onbeskryflik groot.
Dobbelary vind dikwels op ‘n baie subtiele wyse plaas, selfs binne die kerkgemeenskap soos waar lootjies verkoop word tydens die kerkbasaar waar die gelukkige deelnemer ‘n skaap kan wen. Dit word egter geregverdig deur die motief van fondsinsameling vir kerkprojekte voor te hou.

Die Bybel gee egter vir ons duidelike riglyne in verband met...
Die Verkryging Van Ons Lewensonderhoud:

  • Deur Middel Van Arbeid:

 Arbeid is die voorgeskrewe manier waardeur die mens sy inkomste moet genereer. In 2Thessalonicense 3:10-12 beveel die Apostel Paulus: “Want ook toe ons by julle was, het ons julle dit altyd beveel: as iemand nie wil werk nie, moet hy ook nie eet nie. Want ons hoor dat sommige onder julle onordelik wandel, dat hulle nie werk nie, maar bemoeisiek is. Sulke mense beveel en vermaan ons deur onse Here Jesus Christus, om rustig te werk en hulle eie brood te eet”.

Lees ook 1Thessalonicense 4:11 en Efesiërs 4:28.

By gelukspel verdien die ontvanger daarvan geensins die ‘wengeld’ nie, maar dit is ten koste van ander mense wat geen voordeel geniet uit hulle uitgawe nie. Alhoewel ‘dobbel’ vrywillige deelname insluit en deelnemers hulle versoen met die moontlike verlies, is die uitkoms altyd onregverdig.

Spreuke 1:19 waarsku: “So gaan dit met almal wat onregverdige wins maak: dit ontneem sy besitter die lewe”.  

  • Deur Vergenoegd Te Wees:

 Gierigheid is die grootste dryfveer agter gelukspel. Materialisme is ‘n binding wat mense behep maak met finansiële welvaart met al die gepaardgaande uitspattigheid wat dit bied. Dit is egter ‘n onversadigbare aptyt.
Paulus leer in 1Timótheüs 6:6-11: “Maar die godsaligheid saam met vergenoegdheid is ‘n groot wins. Maar as ons voedsel en klere het, moet ons daarmee vergenoeg wees. Maar die wat ryk wil word, val in versoeking en strikke en baie dwase en skadelike begeerlikhede wat die mense laat wegsink in verderf en ondergang. Want die geldgierigheid is ‘n wortel van alle euwels; en omdat sommige dit begeer, het hulle afgedwaal van die geloof en hulleself met baie smarte deurboor. Maar jy, man van God, vlug van hierdie dinge weg, en jaag ná die geregtigheid, godsaligheid, geloof, liefde, lydsaamheid, sagmoedigheid”.

Lees ook Hebreërs 13:5.

Gierigheid is afgodediens volgens Kolossense 3:5.

  • Deur Middel Van Afhanklikheid Van God:

 Om God te dien beteken om Hóm te vertrou, ook vir ons alledaagse behoeftes. Daarom lees ons in Filippense 4:6: “Wees oor niks besorg nie, maar laat julle begeertes in alles deur gebed en smeking met danksegging bekend word by God”.

In 1Petrus 5:7 lees ons ook: “Werp al julle bekommernis op Hom, want Hy sorg vir julle”. Die Here Jesus leer Sy dissipels bid: “gee ons vandag ons daaglikse brood” (Matthéüs 6:11).

Iemand wat egter homself begewe tot gelukspel wend homself egter tot die sogenaamde ‘geluksgod’.
In Jesaja 65:11-12 sê die Here: “Maar julle wat die HERE verlaat, wat my heilige berg vergeet, wat ‘n tafel dek vir die geluksgod en die mengsel inskink vir die godin van die noodlot— Ek sal julle bestem vir die swaard, en julle almal sal buig om geslag te word, omdat Ek geroep maar julle nie geantwoord het nie, Ek gespreek maar julle nie geluister het nie, maar gedoen het wat verkeerd is in my oë en verkies het wat My nie behaag nie”.
Die ‘Good News Bible’ het dit as volg vertaal: “But it will be different for you that forsake me, who ignore Zion, my sacred hill, and worship Gad and Meni, the gods of luck and fate”.

Lees Lukas 16:13-14. 

Voorkoming:

Dobbel is verslawend.
Paulus het in 1Korinthiërs 6:12 geskryf: “Alles is my geoorloof, maar nie alles is nuttig nie; alles is my geoorloof, maar ek sal my nie deur iets laat oorheers nie”. Daar is sommige mense wat by geleentheid dobbel en nie daaraan verslaaf raak nie, maar Efesiërs 4:27 waarsku uitdruklik: “en gee aan die duiwel geen plek nie”. Dit is iets waarteen ‘n kind van God moet waak.

Lees Lukas 12:15.   


Die Gevolgtrekking:

Enige deelname aan ‘n kompetisie of spel waar ‘geluk’ of ‘toeval’ bepalend is wat betref die uitkoms moet ten sterkste vermy word. In afhanklikheid van God alleen moet die kind van die Here op ‘n eerbare wyse werk vir sy lewensonderhoud. 

Popular posts from this blog

Salwing Met Olie: `n Bybelse Gebruik? (Bybelstudie deur Rudi van Zyl)

-
Image
Inleiding: Die gebruik om materiële bates soos geboue, meubelment, en toerusting met olie te salf is in die hedendaagse tyd `n bekende verskynsel onder sekere Christelike groepe. Die voorstaanders van hierdie gebruik koppel groot geestelike waarde daaraan en beskou dit as essensieel tot die Goddelike beskerming van die Christen se besittings. Dit mag dalk vir sommiges aanneembaar of miskien slegs onskuldig klink, maar is dit? Geestelike misleiding is nie uniek aan die 21ste eeu waarin ons leef  nie, maar dit is `n verskynsel wat alreeds voorgekom het in die Tuin van Eden met die sondeval (Gen. 3). Maar dat dit aan die toeneem is kan duidelik gesien word in ons geslag. Die toename van geestelike misleiding is dan ook baie duidelik voorspel as `n teken van die spoedig-naderende wederkoms van onse Here Jesus. Die Apostel Paulus skryf  in 1 Tim. 4:1 (AOV): "Maar die Gees sê uidruklik dat in die laaste tye sommige van die geloof afvallig sal word en verleidende geeste e...
Lees »

Die Hoofbedekking Van Die Vrou (Bybelstudie deur Rudi van Zyl)

-
Image
Etlike jare gelede was dit algemeen gebruiklik vir vroue in Suid-Afrika om ‘n hoed te dra wanneer eredienste bygewoon is. Stelselmatig het dit egter in onbruik verval met die uitsondering van enkele Kerk denominasies. Terwyl sommige mense die standpunt inneem dat die rede hiervoor toegeskryf kan word aan die algemene verval in die Christendom, is daar ook diegene wat dit koppel aan bevryding van die bande van tradisie.  Dat die verskynsel van die dra van hoofbedekking deur vroue in die Westerse beskawing meer as slegs ‘n religieuse motief gehad het kan gesien word in die destydse modegier. Dit is van waarde om ook daarop te let dat dit van ‘n vrou verwag is om ‘n hoed te dra in die hof, parlement, ens. Selfs by perdewedrenne (desnieteenstaande die sondige konnotasie) was hoede ‘n algemene verskynsel. ‘n Onaanvegbare stelling kan ook gemaak word dat hierdie gebruik binne die Christelike kerk nie gevrywaar was van wanpraktyke nie. Dikwels wanneer hierdie onderwerp geopper w...
Lees »

Judas: Wat leer die Nuwe Testament vir ons oor 'n dienskneg van Jesus? (Bybelstudie deur Rudi van Zyl)

-
Image
Die Boek Van Judas Judas 1: 1 “Judas, ‘n dienskneg van Jesus Christus en broer van Jakobus, aan die wat geroep, in God die Vader geheilig en vir Jesus Christus bewaar is.” 1.      Wat Leer Die Nuwe Testament Vir Ons Oor “ ‘n Dienskneg Van Jesus” ? Galasiërs 1: 10 2 Tim ótheüs 2:24 1 Petrus 2:16 Johannes 15: 20 Openbaring 1:1 2.      Waartoe Is Ons Geroep ? 1 Petrus 2: 9 Galasiërs 5: 13 1 Korinthiërs 7:15 Kolossense 3:15 1 Petrus 2: 21 & 3: 9 1 Korinthiërs 1:9 1 Thessalonicense 4:7 1 Tim ótheüs 6:12 1 Petrus 5:10 In onder andere Efèsiers 1:1 word daar ook na die kinders van die Hetre verwys as “heiliges”. Lees Johannes 17: 17, 19 & 1 Thessalonicense 5: 23 & 1 Petrus 1: 15-16. Wat dink jy is die verskil tussen die “heiliges” waarvan elke weergeborene deel uitmaak, en die opdrag om heilig te word?
Lees »